Auritzen askaltoki asko dago, guztiak herriko inguruan. Horietan atseden hartzeaz gain, gustura pasa daiteke eguna, batez ere udaldian.

Horietatik hiru nabarmenduko ditugu: lehenengoa N-135 errepidearen ondoan, Orreagako bidean, herritik 200 metrora, baditu sua pizteko lekuak, bankuak eta itzala; bigarrena Aizubi zubiaren aldean dago, haur parketik 150 metrora, ibaiaren bazterrean, badu sua pizteko lekua eta zenbait eserleku; hirugarrena Jaureaztegi Iturriaren ondoan dago, aurrekoaren norabide berean eta herritik 500 metrora. Honetan ere sua pizteko lekuaz gain eserlekuak eta iturria daude. Leku paregabeak dira familiarekin, lagunekin edo lankideekin eguna pasatzeko. Leku paregabeak baita senderismoa edo ibilaldiak egitea gustukoa dutenentzat.