Honakoaren bidez jakin arazten dizut 2020eko 2 seihileko Ur-Tasa – Saneamendu Kanonari dagozkien errezibuak ordaintzeko epea 2021eko apirilaren 30ean bukatuko dela.

Borondatez ordaintzeko epea amaituta, dirubilketa premiamendu bidez eginen da eta honek ekarriko du tributu foru lege orokorraren 117. artikuluak ezarritako errekarguak ezarri beharra.

Bi prozedura daude ordaintzeko:

1.- Zergaren ordainketa helbideratua duten bizilagunak.

Ordainketa epearen azken egunean Udalak zergak zuzenean kobratuko ditu kontu korrontetik eta errezibuak etxera igorriko dizkie bizilagunei.

2.- Zergaren ordainketa helbideratu ez duten bizilagunek Aurizko Caixabankera joan beharko dute eta bertan ordaindu; horretarako etxera igorriko zaien errezibua eraman beharko dute.

Hurrengo urteetarako zergaren ordainketa helbideratu nahi dutenek, udaletxera etorri eta helbideraketa baimena behar bezala bete beharko dute.

Erreklamazioak idatziz aurkeztuko dira udaletxeko bulegoetan.